Kryetarja e partisë Lëvizja për Ndryshim, Jozefina Topalli e ftuar mbrëmjen e djeshme në emisionin ‘Open’ foli për rolin e gruas në politikë dhe vështirësitë që hasin çdo ditë, duke kujtuar dhe vështirësitë e punës së saj gjatë periudhës që ishte pjesë e Kuvendit me qeverinë Berisha.
Topalli ka kujtuar si momentin më të vështirë përplasjen me Ilir Metën, asokohe kryetar i Lëvizjes Socialiste për Integrim.
“Gratë më rrethuan në tavolinën e kryetarit të parlamentit. Unë i shoh si vendime politike, kësaj herë po përdornin gratë se ndoshta e bënte më të lehtë sulmit. Sherri më Metën? Kuptova diçka, duhet të mbyllja menjëherë seancën. Kujtoj që Sokol Olldashi u kthye nga unë dhe më tha: Mbylle! Më ndihmoi se ndonjëherë situata e humbet qetësinë”, -tha Jozefina Topalli.
