Anëtarja e komitetit teknik të Ekspertëve Silva Bino u shpreh se vaksina Astrazeneca doza të së cilës pritet të mbërrijnë nesër në vendin tonë do të aplikohet te moshat mbi 65 vjeç.
Sipas saj nuk ka asnjë problem, pasi e kanë konfirmuar studimet e fundit.
“Vaksina Astrazenca do përdoret në të gjitha grupmoshat ashtu si Ofizer.
Shumë e kanë lënë deri në 65 vjeç për nga informacionet e pakta, por të dhënat e fundit nga studimet për të tregojnë që ajo është efektive dhe e sigurt edhe për mbi 65 vjeç”, tha ajo.
Kujtojmë se nesër do të mbërrijnë në vendin tonë 38 mijë e 400 doza të vaksinës Astrazeneca.
