Aktori i njohur i humorit shqiptar Xhevahir Zeneli, i ftuar në emsisionin ‘A-Show’ të Adi Krastës ka rrëfyer detaje nga jeta e tij profesionale dhe private.
Zeneli ka zbuluar te gjatë zhvendosjes së tij në SHBA ka punuar dhe si roje shkolle, mirëpo gjatë asaj periudhe institucioni u vodh 5 herë. Më pas ai ka treguar dhe se si ka qenë në shkollë kur ishte më i ri, si dhe jetesën në fshat.
“Unë jam nga Luarasi i Kolonjës, fshati i mendjes nga ku kanë dalë tre mësues të mëdhenj. Madje në filmin tim të parë me regji të Vladimir Priftin unë kisha rolin që të vrisja mësuesin, Petro Nini Luarasi.Unë babain e kam pasur polic edhe një vëlla po kështu. Në Amerikë punoja roje shkolle, por brenda javës ma vodhën shkollën 5 herë. Unë në shkollë nuk kam qenë ndonjë me mesatare të mirë. Por kisha një kryetar Komiteti që më tha ti do shkosh në shkollë. Birçe Hasko më vonë më tha që ke qenë në teh të thikës edhe mund të të flaknim jashtë. Por unë nuk kam pasur mik, pasi unë kam qenë djalë i një polici dhe i një nëne që ishte kamariere.”, rrëfeu aktori Xhevahir Zeneli.
