Një tubim masiv po zhvillohet aktualisht dhe në qytetin e Korçës, ku qindra të rinj po protestojnë për vrasjen e Klodian Rashës nga ana e efektivit të Reneas.
Siç shihet në pamjet , të rinjtë po djegin zbukurimet e vendosura në qendër të qytetit, si dhe po godasin me sende të forta godinën e bashkisë. Nën thirrjet “Policia vret”, të rinjtë kërkojnë drejtësi për vrasjen e 25-vjeçarit.
Deri tani konfirmohet plagosja e një efektivi policie.
Protestuesit kanë qëlluar me gurë dhe sende të forta ndaj uniformave blu, kanë shkatërruar zbukurimet e festive të fundvitit, si dhe kanë bllokuar disa nga rrugët kryesore të qytetit.
