Komiteti Teknik i Ekspertëve ka vendosur që të zgjasë pa afat masat e vendosura, afati i të cilave skadonte sot. Nisur nga të dhënat Mira Rakacolli, kryetarja e Komitetit teknik i Ekspertëve tha se do të vijojë moslejimi i grumbullimeve më shumë se 10 veta, orari policor nga ora 22.00 deri në 06.00 të mëngjesit, moszhvillimi i festave, dasmave dhe ceremonitë mortore përtej numrit të familjarëve.
“Të gjitha masat do të jenë pa afat dhe do të analizohet situata epidemiologjike në vazhdimësi duke ndjekur me kujdes efikasitetin”, tha ajo.
Megjithatë situata do të vlerësohet çdo javë tha Rakacolli dhe nëse do të ketë përkeqësime atëherë do të merren masa të tjera.
