Kryeministri Edi Rama ndodhet në Abu Dabi të Emirateve të Bashkuara Arabe për të firmosur një marrëveshje që do të financojë ndërtimi e dy mijë apartamenteve të reja në Durrës.
Sipas vetë Ramës së shpejti do të nisë dhe invesetimi më i madh për transformimin e portit të Durrësit.
“Firmosim sot marrëveshjen e financimit dhe ndërtimit të 2000 apartamenteve të reja në Durrës, si edhe marrëveshjen ndërqeveritare për një program investimesh e përfshirjeje të kompanive më të mëdha emiratase. Nisim së shpejti me investimin e madh për transformimin e portit të Durrësit, në një nga portet më të bukur e më të mëdhenj turistikë të Mesdheut”, thotë Rama.
