Pas sulmit të përgjakshëm terrorist në mes të qytetit të Vjenës të hënën në mbrëmje, një nga të dyshuarit kryesor duket se e kishte njoftuar aktin në internet. Sipas informacioneve të gazetës austriake “Krone”, njëri nga të dyshuarit është një 20-vjeçar nga Maqedonia e Veriut i cili gjithashtu kishte shtetësi austriake.
I dyshuari, i cili paraqitet i armatosur rëndë në fotografinë më poshtë, u dënua në Austri në fund të prillit 2019 – për formimin e një grupi terrorist. Ai mbajti 22 muaj burg dhe u lirua në fillim të dhjetorit 2019.
Sipas informacionit të “Krone”, pak para sulmit, ai u betua për besnikëri ndaj kreut të ri të policisë terroriste ISIS, Abu Ibrahim al-Hashimi al-Quraishi.
Momenti kur 20-vjeçari shihet duke gjuajtur me armë në Vjenë.
Nga ky sulm deri më tani kanë humbur jetën 5 persona dhe 15 të tjerë janë plagosur.
