Aktori i njohur i humorit Koço Devole është infektuar nga koronavirusi.
Burimet bëjnë me dije se ai ndodhej prej disa ditësh i shtruar në Spitalin Infektiv.
Pas përmirësimit ai kishte lënë spitalin dje, por situata është shëndetësore e tij është përkeqësuar dhe e kanë rikthyer me urgjencë duke e vendosur në intubim.
Gjithashtu bëhet me dije se Koço Devole vuan edhe nga sëmundje të tjera bashkëshoqëruse, të cilat e bëjne edhe më shqetësuese situatën. Prej mbrëmjes së djeshme, aktori dhe regjisori po lufton për të fituar betejën me virusin e rrezikshëm.
Koço Devole është një nga personalitet më të njohura të humorit shqiptar. Përveçse është një aktor i shkëlqyer humori, Devole është karikaturist, skenarist, regjisor dhe prezantues spektaklesh. Rolet e tij në skene dhe ekrane janë nga më të njohurit për publikun shqiptar.