Mjekja Rovena Daja, nga Instituti i Shëndetit Publik tregoi se gjendja e drejtoreshës së departamentit të Epidemiologjisë, Silvia Bino, e infektuar së fundmi nga COVID-19 dhe shtruar në Spitalin Infektiv të Qendrës Spitalore Universitare të Tiranës, është e mirë dhe e stabilizuar.
“Doktoreshë Silva [Bino] është shtruar në QSUT për të qenë nën kujdesin e mjekëve, por normalisht gjendja e saj është e stabilizuar dhe e mirë dhe nga komunikimet me telefon që kemi pasur gjendja e saj duket e mirë dhe e qetë,” u shpreh ajo për Euro News.
