Rritet numri i viktimave që kanë mbetur të vdekur nga rrëzimi i avionit ushtarak në rajonin Kharkiv të Ukrainës.Informacionet e fundit tregojnë se ka shkuar në 25 numri i personave që kanë humbur jetën.
Prokuroria e Ukrainës deklaroi se ka filluar një hetim lidhur me avionin AN-26 të ushtrisë ukrainase që u rrëzua në rajonin Kharkiv.Në deklaratë thuhet se në aksident kanë humbur jetën 25 persona ndërsa 2 të tjerë janë plagosur rëndë.
Shërbimi emergjent i Ukrainës më parë njoftoi se në aksident humbën jetën 22 persona, 2 të tjerë u plagosën dhe se ishin në kërkim 4 persona.
Ndërkohë institucioni ka përditësuar në 27 numrin e personave të cilën më parë e kishte njoftuar se në “avion ndodheshin 28 persona”.
Dy persona janë hedhur nga avioni
Në avionin për të cilin thuhet se po kryente fluturim trajnues ndodheshin pjesëtarët e ekuipazhit dhe studentë të forcës ajrore të Universitetit Kharkiv.
Guvernatori i rajonit Kharkiv, Aleksei Kuçer tha se avioni u rrëzua gjatë uljes dhe se 2 persona kanë mbijetuar pasi janë hedhur nga avioni nga një distancë e afërt para rrëzimit të tij.
“Piloti para rrëzimit ka njoftuar për mosfunksionimin e motorit të majtë”, tha Kuçer.