Diaspora shqiptar është gjithmonë në mbështetje të vendlindjes.Çdo herë e më shumë shqiptarë po arrijnë suksese në diasporë, duke u bërë emra të njohur dhe duke zotëruar poste të mira pune.
Aktorja e njohur shqiptare në Zvicër, Zhaklina Dhimojani Blättler, dhuron disa respiratorë për Spitalin Universitar “Shefqet Ndroqi” në Tiranë.
Duhet theksuar se aktorja e njohur për publikun shqiptar është larguar nga Shqipëria në vitet 90 dhe gjatë këtyre viteve në Zvicër ka dhënë ndihmën e saj në fushën sociale, ka promovuar artin dhe kulturën tonë në diasporë si dhe ka kontribuar me donacione të ndryshme për Bashkinë e qytetit të Himarës, prej nga ajo ka origjinën.


































