Stjuart Smakaj, autori i vrasjes së shokut të tij Gledis Kraja ka qëlluar me automatik, nga kati i dytë i pallatit ku banonte në lagjen “Danjel Matlija”. Burime pranë grupit hetimor të policisë së Shkodrës bëjnë me dije se në vendin ku ka qëlluar 23-vjecari, janë gjetur 18 gëzhoja automatiku dhe ai ka qëlluar nga kati i dytë i pallatit.
Pas debatit verbal, ai i ka kërcënuar se do te vriste objektivin, është ngjitur në banesë dhe ka marrë armën duke qëlluar nga kati i dytë i pallatit. Objektivi është larguar me shpejtësi ndërkohë që viktima Gledis Kraja, ka qenë në mjetin tip Ford.
Predhat e armës kanë shpuar pjesën e sipërme të mjetit dhe Kraja ka marrë plagë në shpatull por plumbi ka prekur edhe organet jetësore ku ka humbur jetën në spital. Në pjesën e sipërme të makinës janë gjendur 8 vrima plumbash. Stjuart Smakaj 23 vjec ka pranuar vrasjen para efektivëve të policisë “E vrava unë,”- mësohet se ka thënë Smakaj para efektivëve në momentin që është dorëzuar.
Nga ana tjeter vijon te jete ne kerkim vellai i tij Sebastian Smakaj 29 vjec. Autori dhe viktima ishin shoke te ngushte me njeri tjetrin.