Gjin Gjoni ka dhënë dorëheqjen si gjyqtar pranë Gjykatës së Apelit të Tiranës., përmes një letre dorëzuar në Këshillin e Lartë Gjyqësor.
Burime nga KLGJ bëjnë me dije se Gjin Gjoni ka dorëzuar kërkesën e dorëheqjes pranë këtij institucioni, duke sqaruar edhe arsyet e këtij vendimi.
Të njëjtat burime theksojnë se në kërkesën e tij të largimit gjyqtari Gjoni ka deklaruar se “drejtësia është në kolaps”.
Gjithashtu, gjyqtari ka theksuar në letër se “Vettingu, jo i barabartë për të gjithë. E kalon Vettingun nëse i shërben politikës. Trupa e Vettingut ka lidhje me politikën”.
