Ka zgjatur për shumë minuta debati mes aktorit Artan Imami dhe moderatorit Arjan Çani, mbrëmjen e sotme në emisionin Open të Eni Vasilit.
Çani i tha Imamit se duhet t’i vijë turp që mbështet shembjen e teatrit, ndërsa ky i fundit e akuzoi se është pjesmarrës në krim, dhe se punon në një televizion, pronari i të cilit ka zaptuar tokën e ish-kinostudios.
Debati i plotë
Imami: Ore më di të pasur ti mua? Mendoni se marr rrogën që merrni ju në televizione?
Çani: Çlidhje ka kjo?
Imami: Si nuk ka lidhje more? Ti je pjesmarrës në një krim sepse punon në një televizion që ka zaptuar kinostudion.
Çani: Po çfarë lidhje ka kjo?
Imami: Më akuzove mua, pse akuzon kot?
Çani: O Tano duro duro
Imami: Aty ku bëheshin filma, ajo tokë iu dha kujt iu dha, ju aty merrni rroga milionëshe, dhe më flisni mua për interesa.