Sot Drejtori i Përgjithshëm i Policisë së Shtetit, Ardi Veliu doli në një konferencë për shtyp duke folur mbi operacionin për trafikun e qënieve njerëzore nga Shqipëria për në SHBA, Britani të Madhe dhe Kanada.
Veliu tha se janë arrestuar 24 persona, ku 15 prej tyre u është dhënë masa e sigurisë “arrest me burg”, kurse 7 të tjerëve “arrest shtëpie”. Ndërkohë, 2 të tjerëve u është dhënë masa e sigurisë “detyrim paraqitje.
Veliu tha se këta shtetas në bashkëpunim me njeri-tjetrin kanë dërguar emigrantë për në SHBA, Kanada dhe Britani të Madhe përmes falsifikimit të dokumenteve. Ata fillimisht i dërgonin në vendet e BE-së dhe më pas i nisnin për në destinacionin final.
Pas këtj operacioni ka reaguar edhe Ambasada Amerikane në Tiranë.
Reagimi i plotë:
Dje, operacioni “Crystal Eagle” (Shqiponja e Kristaltë) u ekzekutua në 6 qytete të ndryshme në të gjithë Shqipërinë dhe çoi në 22 arrestime. Operacioni, një rekord për Shqipërinë, zbuloi dhe arrestoi të gjithë personat e shënjestruar brenda 17 minutave. “Crystal Eagle” ishte një sukses i plotë falë mbështetjes së oficerëve të përkushtuar të Policisë së Shtetit Shqiptar, sidomos atyre të “Njësisë Speciale të Policisë së Shtetit Shqiptar dhe Shërbimit Diplomatik të Sigurisë “Mburoja e Përbashkët”, një njësi policore kushtuar punës së çështjeve të përbashkëta penale mids SHBA-së dhe Shqipërisë. Agjentët e Shërbimit Diplomatik të Sigurisë nga Ambasada e ShBA udhëhoqën përpjekjet operacionale të afro 300 oficerëve të policisë për të shënjestruar një laborator falsifikimi dokumentesh. Gjatë operacionit u konfiskuan armë automatike, drogë, dokumente të falsifikuara, kompjutera, automjete dhe para. Shumica e 22 të arrestuarve mund të përballen me 6 deri në 14 vjet burg. Ky është përfundimi i suksesshëm i një hetimi që filloi në vitin 2018 dhe Ambasada e ShBA falënderon partnerët tanë në udhëheqjen e Policia e Shtetit Shqiptar për ndihmën e tyre!
