Greqia po ngadalëson kurbën, regjistrohen vetëm 15 raste të reja. Dyfishohen gjobat për shkelësit e rregullave gjatës pashkës
Zëdhënësi i Ministrisë greke të Shëndetësisë, Sotiris Tsiodras njoftoi 15 raste të reja të koronavirusit, duke e çuar numrin e përgjithshëm të rasteve të regjistruara në vend në 2207.
Numri i vdekjeve u rrit në 105 pasi tre pacientë të tjerë që vdiqën gjatë 24 orëve të fundit, tha Tsiodras.
Një total prej 69 pacientësh janë intubuar aktualisht në njësinë e kujdesit intensiv të spitaleve Greke, tha Tsiodras, duke shtuar se mosha e tyre mesatare ishte 68.
Duke iu drejtuar të njëjtës konferencë, zëvendësministri i Mbrojtjes Civile, Nikos Hardalias tha se gjatë festës së pashkës ortodokse, gjobat për shkelje të bllokimit do të dyfishohen nga 150 në 300 euro. Ai shtoi se shumica e grekëve që respektojnë rregullat nuk mund të vuajnë për shkak të një pakice që nuk i respekton ato.
