33-vjeçari, menaxher i një lokali të njohur në Korçë është shëruar nga koronavirusi. Mësohet se i riu, në barin e të cilit u organizua edhe fetsa e 8-Marsit, ka lënë ambientet e Infektivit dhe është kthyer në banesën e tij. Aktualisht, ai ndodhet në gjendje të mirë shëndetësore.
Rasti i 33-vjeçarit ishte i pari në Korçë. Ai shfaqi simptomat e para të Covid-19 në 22 mars dhe u shtrua në spital. Atij iu bë dy herë analiza, herën e parë doli negative ndërsa të dytën pozitive. Banorët e zonës ku ndodhet bari u shprehën për mediat se ndiheshin të frikësuar.
