Ditën e sotme është konfirmuar zyrtarisht nga zv.ministrja e Shëndetësisë se është diagnostikuar edhe i infektuari i parë në qytetin e Krujës. Ai është një burrë rreth 60-vjeç dhe rreth 10 ditë më parë është paraqitur pranë qendrës së urgjencës shëndetësore të Fushë-Krujës ku ka marrë mjekim me antibiotikë për gjendjen shëndetësore në të cilën ndodhej.
Ditën e djeshme i është marrë tamponi, dhe ka rezultuar pozitiv me koronavirus.
Pritet që tamponit t’i nënshtrohet një pjesëtar i stafit të urgjencës së Fushë-Krujës i cili ka trajtuar të infektuarin.
Deri më tani, asnjë pjesëtar i stafit mjekësor nuk ka shfaqur shenja të sëmundjes.