Mbrëmjen e së hënës, Kimete Tereziu u përball me ngjarjen e rëndë në dhomën e saj të gjumit me personin që i kishte hyrë në banesë për të grabitur.
Në një rrëfim për “Panorama”, ajo ka treguar momentet që ka parë hajdutin,ka rënë në gjendje si të fikët nga trembja.
“Me agresorin u perballa tek dhoma e gjumit. U futa brenda dhe u tmerrova. Ai ishte i maskuar, kishte ne koke nje corape te zeze dhe ne dore mbante pistolete.
“Ça ben ketu i thash, mbylle gojen me tha se ta numerova ne lule te ballit. Me shtyu dhe doli perjashte me shpejtesi. Mua me ra si te fiket. U tremba me shume per femijet pasi ishin neper kembe, nderkohe ai qellonte me arme. Ca te them, jemi te tmerruar. Perjetuam tmerr me sy, nuk di cfare te them me shume. Shpetuam mrekullisht”,- tha Kimetja.
Ndërkohë babai i të plagosurit rrëfeu: “Kimetja bertiti. Nderkohe, ai doli meshpejtesi nga shtepia. Rexhepi i doli ne njeren ane ndersa nipi ne anen tjeter qe ta neutralizonin. Por sapo i afroheshin ata, ai qellonte. Qelloi kater here. Nje plumb mbertheu Rexhepin ne kembe. E la te plagosur.”
