Çdo ditë po humbasin jetën me dhjetëra njerëz si pasojë e përhapjes me shpejtësi të virusit vdekjeprurës kinez.
Ministrja e Shëndetësisë Ogreta Manastirliu ka deklaruar se 3 studentë shqiptarë që studiojnë Ëuhani të Kinës, një nga vatrat e këtij koronavirusit, po vijnë drejt Shqipërisë. Mësohet se një vajzë po vjen me linjë ajrore me tranzit nga Roma, ndërsa të tjerët nga Kroacia.
Për këtë rast, Silva Bino, shefja e Departamentit të Sëmundjeve Infektive në ISHP në emisionin “Real Story” tha se këta studentë, sipas protokollit, duhet të futen për 2 javë në karantinë. Sipas saj, karantina mund të vendoset në shtëpinë e tyre ose në spital.
“Dhe ata mund të mos jenë të infektuar. Po të kenë një shenjë klinike, ata mund t’i shfaqin…ai nis me temperaturë. Ne periudhë e inkubacionit se dimë nëse infekton apo jo. Ata duhet të futen në karantinë për 2 javë. S’ka asgjë të keqe. Mund të vendoste karantina në spital ose në shtëpi. Ata informohen dhe karantina mund të vendoset në shtëpi. Kemi pasur Ebolën…U çudita se sa shumë shqiptarë punonin në Liberi. Atje ishte vatra e Ebolës. Ajo ka vdekshmëri të lartë. Kemi ndjekur të njëjtin protokoll. Këto njerëz informohen dhe në varësi të çdo vlerësimi, ata vendosen në karantinë në shtëpi ose në spital.”, tha Bino.