Gjykata e Apelit e Tiranës ka vendosur të lirojë nga burgu, Ergys Kolaverin.
Ky i fundit ishte dënuar me 20 vite burg për një atentat në burgun e Vaqarrit.
Në nëntor të vitit 2017, Gjykata për Krimet e Rënda do të dënonte me 20 vjet burg Ergys Kolavarin.
Por tani pas 3 vitesh, Apeli ka vendosur që të lirojë Kolaverin.
Ai akuzohej si personi që qëlloi me një armë snajper drejt një të paraburgosuri në ambientin e ajrimit të burgut të Vaqarrit në 30 qershor 2016.
Kolaveri u fajësua për ‘vrasje për gjakmarrje’, të mbetur në tentativë, ‘plagosje të rëndë me dashje’ dhe ‘mbajtje pa leje të armëve luftarake’. Plumbi i shtënë drejt burgut të Vaqarrit plagosi në këmbë të paraburgosurin Lili Dule.
Sipas prokurorisë, shenjestra e atentatit ishte Gazmir Daci, i dyshuar për vrasjen e vëllait të të pandehurit dhe plagosjen e tjetrit. Gjatë hetimit dhe gjykimit, i pandehuri Kolaveri ka pretenduar pafajësi duke mohuar çdo lidhje me ngjarjen.
