Një gropë e madhe u hap papritmas në rrugë dhe në të u fundos një autobus, nga ngjarja e rëndë 6 persona kanë humbur jetën dhe 16 të tjerë janë plagosur në Kinë. Mediat e huaja raportojnë se incidenti ndodhi mbrëmë jashtë një spitali në Xining, kryeqyteti i provincës Qinghai.
Sipas ekspertëve, gropat në rrugët e Kinës hapen për shkak të ndërtimeve të shumta në qytete dhe për shkak të cilësisë së ulët në ndërtim.
Në pamjet e mëposhtme shfaqet skena e rëndë, ku autobusi pasi përfundon në gropë, përfshihet edhe nga flakët.