Hermes Nikaj, i njohur si “Zogu i Tiranës”, vuan dënimin në burg prej pesë javësh, i akuzuar për ushtrim prostitucioni. Nikaj ka folur ekskluzivisht për “Panorama plus”, ku ka treguar si po i kalon ditët në qeli mes të burgosurve problematikë.
Je ambientuar me burgun Hermes? Si janë zgjimet e tua në izolim, duke qenë se prej vitesh shijoje famën si reporter i emisioneve të ndjekura të mëngjesit?
Në momentin që po flasim, u shkëputa nga shokët që kam njohur këtu në Burgun 313, ku çunat janë duke u qethur dhe duke u larë. Ata janë të mirë dhe përkujdesen për mua, me pyesin shpesh me humor e shaka: “Si je rrushi?”