Tërmeti i mëngjesit të së martës ka shuar familjen Reçi, me origjinë nga Mirdita dhe me banim në Durrës. Sot u përcollën në banesën e fundit, Eduard Reçi, 54 vjeç, Dolora Reçi, 49 vjeç dhe dy fëmijët e tyre, Kristi Reçi, 25 vjeç dhe Klaus Reçi, 21 vjeç.
Homazhet janë zhvilluar mesditën e sotme tek Pallati i Kulturës në Durrës. Mësohet se në ceremoninë mortore ka marrë pjesë dhe djali i Kryeministrit, Greg Rama. Siç, ai vetë ka deklaruar në rrjetet sociale, kishte miqësi me studenten e Mjekësisë, Kristi Reçi e cila humbi jetën fatalisht dhe u gjet nën rrënojat e pallatit.
