Vendimet për dy anëtarët e Gjykatës Kushtetuese, Elsa Toska dhe Fiona Papajorgji janë botuar ditën e sotme në fletoren zyrtare.
Me botimin e dy anëtareve të miratuara nga Kuvendi, shkon në katër numri i anëtarëve të Gjykatës Kushtetuese.
Emërimi i anëtarëve është shoqëraur me debate pas dekretit të lëshuar dje nga presidenti Ilir Meta për emërimin e Marsida Xhaferrllarit në vendin e Arta Vorpsit. Vorpsi ishte renditur e para sipas pikëzimit të KED-së dhe pas kalimit të afatit 30 ditor nga presidenti, ajo u emërua automatikisht.
Meta la të kuptohej dje se nuk do të organizojë ceremoni betimi për Vorpsin dhe kjo e fundit u betua sot te një notere.
