Ka rinisur sot aksioni i IKMT për prishjen e objekteve pa leje në bregdetin Vlorë-Orikum për t’i hapur rrugë projektit Lungomare 2. Aksioni ka nisur me përplasje mes pronarëve të bizneseve dhe inspektorëve të IKMT e policisë.
Në vend kanë shkuar dhe drejtuesit e IKMT, si dhe në mbështetje të aksionit dhjetëra forca policie. Në videon e siguruar nga gazetari Mehmeti shihen edhe momentet e përplasjes mes qytetarëve dhe policisë.
Mësohet se janë 51 objekte që do të goditen në fazën e parë dhe më pas do të ketë një kualifikim të objekteve me leje.
