Dalin detaje nga operacioni antidrogë në bashkëpunim në policinë greke, ku u kapën dy kontinierë me drogë në portin e Durrësit.
Mësohet se policia ka arrestuar gjatë këtij operacioni dy shtetasit Ardian Bega dhe Altin Myslimhaka dhe është shpallur në kërkim shtetasi me iniciale G.M.
Bega pritet të dalë para Gjykatës për t’u njohur me vendimin, ndërsa prokuroria ka kërkuar “Arrest me burg”.
Kanë qenë autoritetet greke ata që kanë sinjalizuar palën shqiptare për kokainën e fshehur në dy konteinerët e nisur nga Ekuadori.
Sasia e kokainës brenda konteinerëve nuk dihet ende, ndërsa deri më tani është hapur vetëm një kontenier dhe pritet të kontrollohet i dyti.
Autoritetet greke bëjnë me dije se kokaina ka mbërritur në disa konteinerë në portin e Pireut, ku në 14 shtator u kap një ngarkesë prej rreth 500 kg kokainë. Prej 17 shtatorit konteinerët janë mbajtur nën vëzhgim teksa kanë lundruar me të njëjtën anije nga porti i Pireut në portin e Durrësit.
