Në komisariatin e Kavajës janë shoqëruar 10 persona lidhur me ngjarjen e ndodhur orët e para të mëngjesit, ku u grabit një bankomat.
Sakaq, mësohet se kamerat e sigurisë kanë arritur të filmojnë automjetin me të cilin janë larguar autorët pas grabitjes.
Grabitësit kanë marrë rreth 1 milion lekë, ndërsa mësohet se kanë thyer bankomatin.
Njoftimi i plotë i policisë:
Në orët e para të mëngjesit, në Kavajë, persona të paidentifikuar kanë vjedhur në një bankomat të një banke të nivelit të dytë, një sasi të vogël lekësh.
Shërbimet e policisë kanë shkuar menjëherë në vendngjarje dhe vijojnë kontrollet për identifikimin dhe kapjen e autorëve.
Grupi hetimor nën drejtimin e Prokurorisë po kryen veprimet për identifikimin e autorëve, administrimin e çdo prove të vlefshme që do t’i shërbejë hetimit për zbardhjen e ngjarjes.
Policia ka shoqëruar disa persona për ti marrë në pyetje dhe vijon puna për shoqërimin e personave të tjerë të dyshuar në lidhje me këtë ngjarje