Rezarta Shkurta i është kundërpërgjigjur menjëherë ish-kryeministrit Sali Berisha pas akuzave të tij për bashkëshortin Ermal Hoxha.
Berisha kishte publikuar më herët një foto të Ermalit në të cilën shkruhej: “Për 20 kg kokainë bëri vetëm 3 vjet burg”.
Më tutje ish-kryeministri shkruante se nipi i ish-diktatorit është një narko-trafikant i lënë i lirë.
Por Rezarta nuk e ka lënë me kaq. Ajo ka publikuar postimin e Berishës ndërkohë që i kërkon të mos merret me nipin e atij që i ka hequr kallot e këmbëve:
“Mos u merr me nipin e atij që i ke hequr kallot e këmbëve, por merru me djalin tënd Zeni Berisha që vrau qindra fëmijë në shpërthimin e Gërdecit, dhe s’bëri asnjë ditë burg”.
Hoxha la qelinë e burgut të Fierit pasi i kishin mbetur edhe 1 vit e 8 muaj burg nga dënimi për dosjen “Xibraka”.
Punësimi dhe sjella e mirë në ambientet e burgut, i shtuan pikë lirimit të parakohshëm të tij, sipas gjykatës.
