Një makinë me targa të Kosovës 04-542-GO nga Prizreni që po udhëtonte drejt Tiranës është përfshirë mëngjesin e së dielës në orën 08:30 minuta nga flakët teksa ishte duke udhëtuar brenda tunelit të Thirrës në Kalimash. Pasi ka konstatuar flakët që vinin nga pjesa e përparme e makinës, shoferi ka ndaluar makinën duke pritur ardhjen e makinë zjarrfikëse. Makina është dëmtuar në masë të madhe. Për 30 minuta është bllokuar lëvizja në tunel. Për fat të mirë, nuk ka dëme në njerëz.