Çifti i njohur Meghan Markle dhe Princ Harry që pas martesës së tyre kanë qenë në vëmendje të mediave. Siç dihet ata janë në pritje të fëmijës së parë dhe jeta e tyre private dhe çështjet familjare kanë dal sheshit dhe janë komentuar gjatë.
Mirëpo së fundmi është mësuar se Princ Harry është nxehur keq me stafin e familjes mbretërore pasi ata janë tallur dhe i kanë vendosur nofka qesharake bashkëshortes së tij Meghan.
Sipas një përfaqësuesi të familjes, i cili foli në një intervistë për ‘Nine News Autralia’ Harry është shumë i nevrikosur për këto lajme dhe me informacionet e ndryshme që publikohen në lidhje me sjelljen e keqe të stafit me dukeshën.
Atij i ka ardhur në maj të hundës gjithë kjo vëmendje mediatike dhe sjellje jo e mirë nga ana e stafit dhe kërkon pak qetësi që ta shijojë siç duhet periudhën e pritjes së ëmbël.
