Kristian Panuçi nuk do të jetë më trajneri i Shqipërisë.
Ditën e djeshme FSHF ka vendosur të shkarkojë italianin nga detyra, i cili është nisur menjëherë për në Romë.
Megjithatë, nga mediat italiane raportohet se Panuçi do të nisë një aventurë të re në Itali, kjo duke nisur nga vera. Madje mediat shkojnë edhe më tej duke nxjerrë emra ekipesh.
Në krye të listës qëndron Selernitana dhe Peruxhia, 2 ekipe të Seria B.
Më pas lista vazhdon me Kievon, nëse kjo e fundit bie në Seria B dhe Frozinone. Kujtojmë se më parë, përveç Shqipërisë, Panuçi ka drejtuar Livornon dhe Ternanën.