Ylljet Aliçka, dikur ambasador i Shqipërisë në Francë e cilëson si një shkallë emancipimi të politikës shqiptare kur nuk bien dakord me çdo gjë që thonë të huajtë. I ftuar në emisionin “Debati në Channel One” të gazetarit Roland Qafoku, Aliçka deklaroi se politika shqiptare tregon evolucion kur mendon se jo çdo gjë që thonë të huajtë është e saktë.
“Politika shqiptare është në evolucionin e saj, me ulje -ngritjet e saj. Është hera e parë që dëgjohet nga ndërkombëtarët që situata është kaq e drunjtë. Në vendimmarrjen e ndërkombëtarëve në Shqipëri, ndikojnë shumë edhe elementët emocionalë dhe individualë të personave. Flas në përgjithësi, mund të jetë edhe rasti konkret. Ishte hera e parë që është kaq në kundërshtim me opozitën. Duket se është një formë emancipimi mosdhënia e rëndësisë së madhe ndaj opinionit të ndërkombëtare kohët e fundit. Shqiptarët e njohin më mirë vendin e tyre sesa e njeh një i huaj. E marr si shenjë emancipimi të mos marrësh në mënyrë të verbër çdo gjë që thonë ndërkombëtarët”, tha diplomatit Aliçka.
