Ambasadori i BE-së, Luigi Soreca në Shqipëri menjëherë ka reaguar pas takimit të Lulzim Bashës dhe Monika Kryemadhit me delegacionin prej 7 eurodeputetësh të Parlamentit Europian.
Sipas njoftimit në rrjetet sociale, përveç procesit të çeljes së negociatave të Shqipërisë me Bashkimin Europian për anëtarësimin, kanë qenë edhe zhvillimet e fundit politike në vend.
Ndërkombëtarët kanë kërkuar të gjendet një zgjidhje mes aktorëve politikë në vend, për të shmangur krizën e shaktuar nga “djegia” e mandateve të opozitës.
“Takimi i parë i delegacionit të Parlamentit Evropian në Tiranë, me krerët e opozitës: duke diskutuar integrimin e Shqipërisë në BE dhe duke u angazhuar në diskutime konstruktive për të gjetur një zgjidhje për situatën aktuale politike”, njofton delegacioni i Bashkimit Europian në Shqipëri.