Viti 2019 nuk ka nisur edhe aq mirë për sa i takon shërbimeve të ofruara nga Qendra Kombëtare e Biznesit (QKB). Mësohet se prej datës 3 janar, në zyrat e QKB-së në disa rrethe të vendit nuk kanë akses në sistem.
Lushnja, Fieri, Berati si dhe disa qytete të tjera nuk kanë ofruar shërbim edhe pse stafi i këtyre zyrave është në punë. Kjo ka bërë që të rritet numri i aplikimeve që nuk marrin shërbimin e kërkuar.
Nuk dihet se cili është shkaku i këtij bllokimi por biznesi nuk po merr zgjidhje dhe kjo e bën të vështirë, në këtë fillim viti, aktivitetin e tyre.
