Elisa Spiropali, kur u pyet në Top Talk për ish-zëvendësministrin e Arsimit, Taulant Muka, i cili sot u cilësua nga kryeministri Edi Rama si një “larvë politike”, dhe për faktin nëse mban njeri përgjegjësi për emërime të tilla, u përgjigj shkurt.“Mos ta ulim nivelin e bisedës. Nuk jam këtu për të folur për atë person. Ndenji dy javë dhe tregoi se kush ishte”, tha Spiropali.
Gjatë konferencës “live” nëpërmjet Facebook-ut, kryeministri Rama rrëfeu të vërtetën e tij lidhur me emërimin dhe me pas dorëheqjen e ish-zëvendësministrit të Arsimit, Taulant Muka.
“Këtë e nderova më shumë se çfarë është ky i nderuar. Çfarë bëri? Ditën e parë tha dua veturë me shofer. Po banjën, pse nuk e kam në zyrë? Babanë e dua shofer të punësuar në Ministri. Mund të jesh shkencëtar, por nuk do të thotë asgjë. Jep dorëheqjen papritur. Një larvë, kaq, këtë mendoj unë për këtë”, tha Rama.