Rusia është duke mbajtur të ndaluar 24 marinarë ukrainas të kapur nga tre anije të flotës në ngushticën Kerch të dielën, tha komisionerja ruse e të drejtave të njeriut Tatyana Moskalkova, e cila shtoi se tre prej tyre ishin plagosur lehtë dhe po rikuperoheshin në spital.
Rusia kapi dje dy luftanije të vogla ukrainase dhe një barkë mbështetëse, për të cilat tha se kishin hyrë ilegalisht në ujërat e saj territoriale. Kievi thotë se mjetet nuk kishin bërë asgjë të gabuar dhe akuzoi Moskën për agresion ushtarak.