Mediat amerikane raportonin pak më parë se Pentagoni ka nisur dërgimin e trupave ushtarake në kufi me Meksikën, të cilit po i afrohet një karvan me mijëra refugjatë nga Amerika Qendore.
Më shumë se 5000 njerëz marshojnë prej një javë përmes Amerikës qendrore, me shpresën e një jete më të mirë në SHBA. Trump ka paralajmëruar gjithashtu për ndërprerje të ndihmave në vendet ku karvani lejohet të avancojë.
“Për fat të keq duket se policia dhe ushtria e Meksikës janë të paaftë të ndalojnë karvanin drejt kufrit jugor të SHBA. Prandaj kam vënë në gatishmëri Rojën Kufitare dhe ushtrinë. Guatemala, Honduras dhe El Salvador nuk arritën të ndalonin njerëzit e tyre për të ardhur ilegalisht në SHBA, prandaj ndihmat për këto vende do të reduktohen ndjeshëm”, ka thënë Trump në komentet e tij.
