Një kodër e fortifikuar po mban pezull gjithë planin rus për të pushtuar qytetet e fundit të lira në Donbas. Kodra 207 ndodhet drejtpërdrejt në rrugën e 100 mijë trupave të dërguara drejt Slovianskut dhe Kramatorskut – dy qytetet e fundit të mëdha nën kontrollin ukrainas në rajonin e Donetskut.
Në majë janë të vendosur ushtarët e Brigadës së 10-të Malore të Ukrainës, të cilët kanë hapur llogore dhe fortifikime. Rusia dërgoi një brigadë të plotë për t’i rrethuar, mori një fshat aty pranë – por u bllokua. “Njësitë e lodhura ruse praktikisht kanë kaluar në mbrojtje,” vëren analisti Thorkill.
Nëse kodra mban, ofensiva e planifikuar verore e Moskës mund të dështojë, duke i dhënë dy qyteteve ukrainase muaj të çmuar. Megjithatë, një sulm i dytë rus po avancon nga jugu. Nëse arrin të dalë pas mbrojtësve, ukrainasit mund të detyrohen të tërhiqen. Kodra nuk mund të mbahet përgjithmonë – por nuk ka nevojë. Mjafton të vonojë planet e Kremlinit.
