Prokuroria e Posaçme ka zgjeruar dosjen e hetimit ndaj kryebashkiakut të Tiranës Erion Veliaj e cila përmban rreth 60 mijë faqe që sipas SPAK janë prova për akuzat ndaj Veliajt dhe 30 të pandehurve që SPAK ka përfshirë në këtë hetim.
Një nga dëshmitë interesante në dosjen ‘Veliaj” është ajo e një polici të Burgjeve, Fation Baci, që ka treguar se kryebashkiaku Veliaj i mori telefonin për të komunikuar me dikë. Episodi ka ndodhur gjatë transportimit të Veliajt nga qelitë e Durrësit në drejtim të Tiranë, për në ambientet e SPAK.
“Ai i tha personit në anën tjetër të telefonit se duhet të lirohet dhe të kandidojë për deputet, sepse dhe Agron Malaj po kandidon për t’i shpëtuar SPAK-ut”, mësohet të ketë deklaruar polici i Burgjeve, thuhet në dosjen hetimore ndaj Erion Veliajt.