Aktivistja e njohur, Evi Kokalari ka sulmuar dhe ka hedhur akuza atë forta ndaj klasës politike shqiptare. Në nje shënim në rrjetet sociale, ajo akuzon kryeministrin Edi Rama për pazare të errëta me të huajt, duke përfshirë shitjen e ishullit strategjik të Sazanit në emër të “investimeve”, si dhe ndërhyrjen direkte pranë Departamentit Amerikan të Thesarit për të ndaluar sanksionet ndaj oligarkëve të tij. Kokalari e quan këtë akt “vjedhje kombëtare me vetëdije të plotë”, ndërsa paralajmëron se ekonomia shqiptare është kapur peng nga një njeri që po sillet si pronar absolut i vendit.
Por “plumbi i dytë” i saj shkon drejt kreut të Partisë Demokratike, Sali Berisha, për të cilin shprehet se është kthyer në një pengesë të neveritshme për çdo shpresë opozitare. “Mallkoj ditën që u bashkova me foltoren”, thotë Kokalari, duke paralajmëruar se opozita nuk ka më shpëtim derisa Berisha të largohet. Ndërkohë ajo zbulon gjithashtu se çdo vizitë e saj në institucionet shtetërore i është raportuar personalisht Ramës, duke theksuar kontrollin total të tij mbi çdo hallkë të shtetit. “Shqipëria po zbrazet, po grabitet dhe po përdhunohet nga një njeri që e trajton si pronë të trashëguar”, deklaron Kokalari në një nga denoncimet më të forta të bëra ndonjëherë ndaj Ramës e Berishës bashkë. Më poshtë po pasqyrojmë qëndrimin e aktivistes Kokalari.
JA REAGIMI PLOTË ZNJ. EVI KOKALARI
Dëshmia që trondit, kryeministri që shiti historinë për favore personale
Në një nga fotot që ndava dje, keni Edi Ramën duke i treguar Khaldoon Al Mubarak diçka në horizont, besoj për ti përforcuar arsyet pse investimi në Shqipëri është gjë pozitive. Nuk kam asnjë problem të sjellësh investime të Shqipëri, por Rama i sjell duke u bërë vet pjesë e investimit, si privatisht ashtu dhe nëpërmjet qeverisë. Këto investime nuk janë në përfitim direkt të popullit apo biznesit të vogël, madje në më të shumtën e dëmtojnë atë. Për Sazanin kam bërë një super lufte publikisht, por më shumë privatisht, që shumë nga ju se dinë. I kam shkruar disa herë dhe shpjeguar Ramës direkt që unë nuk i ndahem dhe që Sazani do ti hapi varrin atij. Edi Rama realisht më ka bllokuar në telefon sepse nuk ka këllqe të përballohet me këtë situatë.
Sazani tashmë është dramë e mbyllur në duart e të huajve. Sazani është gjithashtu i vetmi ishull që na kishte ngelur, mbasi Korfuzin dhe disa të tjerë ja kaluan Greqisë mbas ndarjes së kufinjve. Në fakt, kur plasi skandali i Sazanit, Ekathimerini, gazeta Greke, donte një intervistë dhe ja kam dhënë, por këndvështrimi i tyre ishte se dhe ky ishull duhet ti kalonte Greqisë, të paktën nga ajo prespektive ishin nisur, dhe bazuar nga mbiemri im menduan se do t’ju ndihmoja narrativën. Atë intervistë nuk e botuan kurrë mbasi morën përgjigjet ashtu siç duhej. Sazani ka shumë histori që shumë nuk e dinë. Ka qenë pikë strategjike e përdorur nga Mbretëresha Teuta në betejat e saj ndaj Romakëve dhe duhej të ndërtohej me një fokus rreth historisë së kombit. Jared dhe Ivanka nuk kanë asnjë sensitivitet kundrejt historisë tonë, dhe fakti që donin të fokusoheshin tek bunkerët e komunizmit, flet qartë që janë vite dritë larg nga realiteti Shqiptar.
Nga ana tjetër ka pasur individ që ja kanë shpjeguar Ramës pse po bëja atë luftë për Sazanin. Përgjigja e tij, ishte ‘tashmë ja kam premtuar dhe s’kthej dot fjalën’. Pra, ne si komb humbën një ishull të tërë sepse ky mençuria i dha fjalën dikujt sikur ta kishte pronë të tijën. Ndërkohë mund të ngrinte si arsye pikërisht faktin që ishte kthyer në skandal si në Shqipëri ashtu dhe në Amerikë, dhe fare kollaj mund të tërhiqej, sidomos kur Kongresi filloi të kërkojë llogari për konfliktin e interesit që ngrinte relacioni i Jared & Ivankës me lidera të shteteve të huaja. Rama nuk e ndaloi dhe e bëri këtë me vetëdije të plotë. Ky abuzim që bëhet me pronat e Shqiptarëve, duhet të jetë në kundërshtim me Kushtetutën sepse e kam të pamundur të besoj që një Kryeministër të ketë këtë lloj autoriteti. Gjithashtu, vitet e fundit jam munduar të bëj biznes në Shqipëri, dhe në proces e sipër kam mësuar shumë si funksionon sistemi. Më lejoni t’ju them se çdo vizitë që kam bërë në institucionet e qeverisë i janë raportuar Ramës. Kjo është tejet absurde dhe flet qartë për mënyrën se si Rama kontrollon çdo aspekt të qeverisë dhe institucioneve të tij.
Monopoli i Ramës mbi ekonominë, çmimet si në Perëndim, paga si në skllavëri
Ndërkohë Rama ka kapur shtyllat kryesore të ekonomisë së vendit, nëpërmjet njerëzve të tij dhe me atë kontrollon të gjithë tregun. Prandaj çmimet në Shqipëri janë njësoj ose më të larta se me Europën dhe US, ndërkohë që kosto e punës nuk është as 1/10 e asaj që kushton jashtë vendit. Pra, këtu është stabilizuar shfrytëzimi i punëtorëve por dhe i konsumatorit. Disa vite më parë kur Departamenti i Thesarit në Amerikë donte të fuste në listë e zezë disa nga bizneset kryesore në Shqipëri, ka qenë Rama që i ka kërkuar të mos e bëjnë sepse i paralizonte ekonominë. Ky fakt duhet të mjaftoj si konfirmim që ai është i ndërgjegjshëm që e ka kapur ekonominë e vendin nga fyti dhe e kontrollon si t’ia dojë qejfi. Kam shumë për të thënë në këtë pikë, dhe sërish i kam këto kritika ndërkohë që jam totalisht në mbështetje të investimeve në Shqipëri.
Për shembull, në rastin e Mira Muratin, Rama investoi $10 milion që personalisht mendova që ishte shumë pak, sepse Mira Murati ishte një nga asetet më fantastike që mund të kishim. Personalisht do kisha investuar 1 miliard dollar që ishte gjysma e shumës që ajo kërkonte për të filluar. Ndërkohë, vlera e asaj kompanie është rritur 10X, pra një vlerësim i ditëve të fundit ishte tek 20 miliardshi, që do të thotë ai $10 milionëshi ka vlerë $100M sot. Ky lloj investimi do kishte sjellë boll para për qeverinë me të cilat mund të bënte investime të tjera, me kompani të mëdha në Amerikë dhe Europë, ose ti kishte përdorur të mbyllte shumë probleme në vend, si p.sh pensionet që janë nën nivelin jetik.
Rama sundon si pronar, Berisha zhytet në hije- askush nuk po shpëton vendin!
Përfundimisht, Edi Rama po abuzon me pushtetin dhe e ka kthyer të gjithë vendin në një kompani biznesi ku gjithnjë ka një % nëpërmjet njerëzve të vet. Këto s’janë aludime, por fakte. Sërish, s’jam aspak kundër Mubadalës të investoj në Shqipëri, as kundër Jared Kushner apo Ivanka Trump, përkundrazi këta janë super pozitive për vendin, por investimet po ndodhin në një kohë që:
1 – Rama po detyron Shqiptarët të braktisin vendin
2 – Rama po ju merr dhe ato pak toka që janë kthyer nëpërmjet investimeve strategjike.
Në mbyllje, Rama po e zbraz vendin, po ju merr pronat dhe po ndërton një Shqipëri sikur ta kishte pronë të tijën.
Ka gjithnjë një mundësi kur Shqipëria nuk do ketë më votime, dhe Edi Rama do jetë ‘Princi i Kurorëzuar’ i vendit.
Në të gjithë këtë, më trazohet stomaku akoma më keq kur në mënd më vjen Sali Berisha me gjithë të çmendurit e vet, Nokën e Albana Vokshin e të gjithë ata njerëz super mediokër si Këlliçi, Gaz Bardhi e të tjerë, që mbajnë peng opozitën dhe s’kuptojnë që Shqipëria po merr një drejtim që duhet t’ju frikësoj të gjithëve. Nëse Berisha do ishte larguar dhe me fitoren e Trump, ne të tjerët do ja kishim marrë frenat Ramës, dhe do të kishin filluar nje aksion me themel të shkatërrimit të kupolës që këta kanë ndërtuar dhe riparimin e dëmeve të bëra si ndaj tokës ashtu dhe njerëzve.
Sali Berisha duhet të kuptoj një gjë në këtë pikë, jo vetëm është arsyeja kryesore e drejtimit të shtrëmbër që morri ky vend, por do ikë nga kjo botë pa patur mundësi ti mbrojë fëmijët nga drejtësia dhe Berisha e di që ata do të paguajnë mëkatet e përbashkëta. Fatkeqësisht Berisha e luajti shumë gabim të vetmin shans që pati me kthimin e tij dhe iu garantoj që e vuan. E vetmja gjë që ngelet të them është që mallkoj ditën që ju bashkova foltoreve të këtyre mashtrueseve. Isha shumë më në paqe, kur nuk e kisha idenë se çfarë bëhej në Shqipëri. Ndërkohë, ato që kam parë dhe mësuar këto katër vite, më trazojnë ndërgjegjen, dhe pse jam munduar të ecë vetëm dhe të distancohem nga llumi i atij vendi. Shtoju kësaj sulmet nga më vulgare jo vetëm të një popullsie super të abuzuar dhe të zhveshur nga çdo lloj morali dhe logjike normale, por dhe të figurave të medias që kanë qenë pjesë direkte e korrupsionit qeveritar dhe janë pasuruar fal këtyre.