Komisioni Evropian nuk do të hezitojë të ndërmarrë hapa ndaj Hungarisë për shkeljen e të drejtave të njeriut, pas vendimit të saj për ndalimin e paradës së LGBTQ.
Komisioneri i drejtësisë në BE, Michael McGrath, duke folur në një debat në Parlamentin Evropian mbi ndalimin e Pride në Hungari tha se parimet të cilave u përmbahen vullnetarisht të gjitha shtetet tona anëtare janë të qarta.
“E jona është një bashkim lirie dhe barazie. Secili duhet të jetë në gjendje të jetë vetvetja, të jetojë dhe të dashurojë lirisht”, tha komisioneri i drejtësisë i BE-së Michael McGrath.
“Komisioni nuk do të hezitojë të ndërmarrë veprime të mëtejshme dhe, kur është e përshtatshme, të nisë procedurat e shkeljes për të garantuar respektimin e sundimit të ligjit dhe të drejtave themelore”, shtoi ai.