Në një prononcim telefonik për emisionin “5 minuta” të Bruno Vespa, kur u pyet për samitin në Elysee dhe qëndrimin e BE-së për Kievin, ministri i Jashtëm Antonio Tajani shprehu vlerësimin për nismën e Sekretarit të Shtetit amerikan Rubio. Tajani konfirmoi rëndësinë e koordinimit të ngushtë midis Shteteve të Bashkuara dhe Evropës për dosjen e Ukrainës dhe për çështjet e sigurisë evropiane.
Kryediplomati italian i cilësoi të rëndësishme marrëdhëniet transatlantike, teksa përsëriti nevojën për të arritur një paqe të drejtë dhe të qëndrueshme për Ukrainën, një pozicion i përbashkët nga kolegët e tjerë evropianë. “Fjalët e Rubios ishin shumë të qarta,” tha Tajani.
“Ajo që ka rëndësi është të jemi të bashkuar. Ne nuk duhet të trembemi në kohë vështirësish, të mbajmë samite vazhdimisht, duhet të kemi një projekt, të jemi të vendosur, të kemi gjithmonë kokën lart me aleatët tanë amerikanë dhe kur ka një negociatë, të mbajmë kokën lart me rusët për të garantuar sigurinë e Ukrainës dhe BE-së.
“Ndoshta – shtoi ai – duhet të kemi një samit me 27 liderë që mbajnë një qëndrim të qartë: nismat kombëtare, të njëanshme shërbejnë vetëm për të pasur disa debate”.
