Lulzim Basha, ka reaguar ndaj një lajmi të përhapur në media që raportonte se ai kishte humbur jetën në një aksident automobilistik. Basha ka theksuar se lajmi është i pavërtetë dhe ka siguruar publikun se është gjalllë e mirë.
Reagim i kryetarit të Partisë Demokratike-Demokratët Euroatlantikë, Lulzim Basha:
Ndoshta disa do të trishtohen, por, ndryshe nga lajmi i rremë që është përhapur, jam gjallë e mirë dhe nuk kam vdekur në një aksident automobilistik. Njerëzit që duan që të përhapen këto lajme të rreme, janë po ata që duan të shkatërrojnë Shqipërinë.
Unë dhe ju nuk do t’i lejojmë!
