Këshilli i Ministrave ka vendosur që data 3 janar 2025 të shpallet pushim zyrtar për punonjësit e administratës shtetërore.
Kjo ditë e punës do të kompensohet brenda gjashtëmujorit të parë të vitit 2025, sipas vendimit të qeverisë, i cili është publikuar në Fletoren Zyrtare.
Njoftimi:
CAKTIMIN E DITËS SË PREMTE, DATË 3.1.2025, DITË PUSHIMI
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
V E N D O S I:
- Caktimin e ditës së premte, datë 3.1.2025, ditë pushimi për punonjësit e administratës shtetërore.
- Dita e punës, e datës 3.1.2025, do të zëvendësohet në një nga ditët e pushimit brenda gjashtëmujorit të parë të atij viti.
- Ngarkohen institucionet e administratës shtetërore për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.