Gazetarja Eksiola Shehu ka treguar gjatë një interviste televizive disa detaje nga mbledhja e Asamblesë së Përgjithshme të Partisë Socialiste gjatë javës që lamë pas.
Shehu është shprehur se kryeministri Edi Rama ka shigjetuar disa deputetë për punën e tyre, lidhur me aktivizimin në rrjetet sociale apo edhe takimet në terren.
Shehu tha se një nga të etiketuarit ka qenë edhe deputeti i qarkut të Vlorës, Anduel Tahiraj.
Sipas Shehut, Rama tha me ironi për Tahirajn se bën takime me 5 persona dhe e shet sikur ishin 15, duke përfshirë edhe fotografinë e Ismail Qemalit.
“Ka patur edhe momente interesante, batuta, komente dhe një ndër to ka qenë në momentin që është raportuar për qarkun e Vlorës, kryeministri Rama i është drejtuar deputetit Anduel Tahiri duke thënë ‘ja Andueli bën takime me 5 persona dhe e shet sikur bën me 15, edhe përfshinë edhe fotografinë e Ismail Qemalit’”, tha Shehu.