Deputeti i Partisë Socialiste, Vullnet Sinaj, ka folur për herë të parë pas konfrontimit fizik që ai pati në ambientet e parlamentit me deputetin demokrat, Bldejon Nallbati.
Sinaj tha se incidenti është i sajuar nga ish-kryeministri Berisha për t’i shpëtuar problemeve që ai ka me drejtësinë shqiptare.
Deputeti i PS shtoi se në lidhje me rastin në fjalë nuk do të bëjë një kallëzim në prokurori ndaj kolegut demokrat.
“Mendoj që nuk është një incident i imi me askënd. Është një incident i sajuar nga Sali Berisha për t’i shpëtuar drejtësisë shqiptare. Nuk ishte personale.
Personalisht nuk do të marrë një denoncim. Nuk kam pasur komunikim me zotin Nallbati. Jashtë seancës i tahshë pse e bëri atë veprim, pasi kishim raporte normale, përshëndeteshim kur takoheshim në rrugë. Ai më tha e kisha me kartën se kisha me ju”, tha Sinaj.
