Këshilli i Ministrave miratoi në mbledhjen e kësaj të mërkure ka miratuar normat e trajtimit me ushqim të efektivëve ushtarakë të Forcave të Armatosura. Kështu, sipas vendimit, personeli ushtarak i strukturave të Forcave të Armatosura, i cili është me shërbim roje dhe i gatshëm në ditët e festave zyrtare, në strukturat e FA-së ku ka ushqim të gatuar, përfiton 500 (pesëqind) lekë shtesë, sipas menusë së miratuar nga vetë strukturat.”. “Vendim për disa ndryshime në vendimin nr.595, datë 13.10.2021, të Këshillit të Ministrave, “për miratimin e normave të trajtimit me ushqim të efektivëve ushtarakë të Forcave të Armatosura të Republikës së Shqipërisë”. Në mbështetje të nenit 100 të Kushtetutës dhe të shkronjës “g”, të nenit 11, të ligjit nr.64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar, me propozimin e ministrit të Mbrojtjes, Këshilli i Ministrave, Vendosi: 1. Në vendimin nr.595, datë 13.10.2021, të Këshillit të Ministrave, “Për miratimin e normave të trajtimit me ushqim të efektivëve ushtarakë të Forcave të Armatosura të Republikës së Shqipërisë”, bëhen këto ndryshime: a) Lidhjet nr.1 dhe nr.3, të përmendura në pikën 1, zëvendësohen me lidhjet me të njëjtin numër dhe titull, që i bashkëlidhen këtij vendimi. b) Lidhja nr.2, e përmendur në pikën 2, zëvendësohet me lidhjen me të njëjtin numër dhe titull, që i bashkëlidhet këtij vendimi. c) Pika 3 ndryshohet, si më poshtë vijon: “3. Personeli ushtarak i strukturave të Forcave të Armatosura, i cili është me shërbim roje dhe i gatshëm në ditët e festave zyrtare, në strukturat e FA-së ku ka ushqim të gatuar, përfiton 500 (pesëqind) lekë shtesë, sipas menusë së miratuar nga vetë strukturat.”. ç) Shkronja “b”, e pikës 4, shfuqizohet. 2. Efektet financiare, që rrjedhin nga zbatimi i këtij vendimi, përballohen nga buxheti i Ministrisë së Mbrojtjes. 3. Ngarkohet ministri ? Mbrojtjes për zbatimin e këtij vendimi. Ky vendim hyn në fuqi pas botimit në “Fletoren zyrtare””, thuhet në vendimin e qeverisë të firmosur në mungesë dhe me porosi nga Zëvendëskryeministrja Belinda Balluku.
Vendimi për punonjësit e OSSH
Ndërkohë Këshilli i Ministrave miratoi edhe vendimin për trajtimin financiar të personave përgjegjës për menaxhimin e Operatorit të Sistemit të Shpërndarjes, sh.a. Në mbështetje të ligjit “Për sektorin e energjisë”, të ndryshuar, me propozimin e zëvendëskryeministrit dhe ministrit të Infrastrukturës dhe Energjisë, Këshilli i Ministrave vendosi, trajtimin financiar për administratorin e Operatorit të Sistemit të Shpërndarjes, sh.a., të jetë në masën 300 000 (treqind mijë) lekë në muaj. “Vendim për “miratimin e trajtimit financiar të personave përgjegjës për menaxhimin dhe personave përgjegjës për organet mbikëqyrëse të Operatorit të Sistemit të Shpërndarjes, sh.a. Në mbështetje të nenit 100 të Kushtetutës dhe të shkronjës “ç”, të pikës 3, të nenit 72, të ligjit nr.43/2015, “Për sektorin e energjisë”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave, VENDOSI: 1. Trajtimi financiar për administratorin e Operatorit të Sistemit të Shpërndarjes, sh.a., të jetë në masën 300 000 (treqind mijë) lekë në muaj. 2. Trajtimi financiar për anëtarët e Këshillit të Administrimit, si persona përgjegjës të organeve mbikëqyrëse të Operatorit të Sistemit të Shpërndarjes, sh.a., që kontrollohet nga shteti, të jetë në masën e përcaktuar me vendimin nr.570, datë 3.10.2018, të Këshillit të Ministrave, “Për këshillat mbikëqyrës të shoqërive aksionare shtetërore”. 3. Trajtimi financiar i punonjësve të Operatorit të Sistemit të Shpërndarjes, sh.a., me detyra jomenaxheriale, përcaktohet në përputhje me ligjin e shoqërive tregtare dhe statutin e shoqërisë. 4. Vendimi nr.574, datë 3.8.2016, i Këshillit të Ministrave, “Për miratimin e trajtimit financiar të personave përgjegjës për menaxhimin e Operatorit të Sistemit të Shpërndarjes, sh.a.”, shfuqizohet. 5. Ngarkohet Operatori i Sistemit të Shpërndarjes, sh.a., për zbatimin e këtij vendimi. Ky vendim hyn në fuqi pas botimit në “Fletoren zyrtare””, në vendimin e qeverisë të firmosur në mungesë dhe me porosi nga Zëvendëskryeministrja Belinda Balluku.