Sulmet me raketa kanë rritur bilancin e viktima dhe të plagosurve në Izrael ku për fat të keq sa vjen dhe bëhet edhe më tragjik. Të dhënat e mbrëmshme nga mediat izraelite flasin për mbi 2000 te plagosur dhe mbi 700 te vrarë.
Ndërkohë shqiptarja Irena Steinova, që jeton në Izrael foli për tmerrin që po përjetojnë.
Në një intervistë televizive theksoi se Izraeli para 25 vitesh dha urdhër që në çdo ndërtim që bëhet, apartamentet apo shtëpitë të kenë një dhomë të blinduar.
Më tej nënvizoi se ajo nuk ka një dhomë të blinduar, por ama të gjithë shtëpitë që janë ndërtuar 25 vitet e fundit e kanë.
“Gati 25 vite më parë Izraeli dha urdhër që kur të ndërtohen godinat, çdo shtëpi të ketë dhomën e blinduar dhe njerëzit futen në dhoma. Unë nuk kam, por të gjithë shtëpitë që janë ndërtuar 25 vitet e fundit, kanë dhoma të blinduara”-tha ajo.
