Një nga njerëzit më të pasur në botë, Elon Musk, shkaktoi zemërimin dhe përbuzjen e përdoruesve në mbarë botën me postimin e tij në Xu, ish-Twitter, në të cilin tallet me presidentin ukrainas Volodymyr Zelensky. Musk postoi një meme duke treguar një foto të Zelensky me komentin: “Kur kanë kaluar 5 minuta dhe nuk ke kërkuar një miliard dollarë ndihmë”. Postimi u pa nga miliona njerëz dhe komentet u përhapën shpejt në rrjetet sociale.“Njeriu më i pasur në botë tallet me një njeri tjetër që thjesht po lufton për të drejtën e njerëzve të tij për të jetuar”, komentoi një përdorues. “Pse talleni me një lider trim që udhëheq kombin e tij në një luftë heroike për lirinë? A nuk ju vjen turp?”, i thanë Musk republikanët kundër Trump. “Merr ndihmë”, është mesazhi i ish-agjentit të CIA-s, John Sipher, ndërsa një tjetër koment është “Elon, je i neveritshëm”. Rada e Verkhovna, parlamenti ukrainas, u përgjigj gjithashtu. Ata publikuan një meme me kokën e Musk-ut në vend të Zelenskit dhe shkruanin: “Kur kaluan 5 minuta dhe nuk bëre propagandë ruse”. Sidoqoftë, ai postim u hoq më pas nga X. Kjo nuk është polemika e parë e Elon Musk kur bëhet fjalë për pushtimin rus të Ukrainës. U raportua muajin e kaluar se vitin e kaluar Musk urdhëroi fshehurazi inxhinierët e tij të mbyllnin rrjetin e komunikimit satelitor të kompanisë së tij Starlink pranë brigjeve të Krimesë për të parandaluar një sulm të fshehtë ukrainas mbi flotën detare të Rusisë.
